ვერველევი არის ჩვენი მეღვინის შექმნილი ღვინო, რომელშიც გაერთიანებულია სამი რეგიონის სამი ჯიშის ყურძენი – რაჭული მწვანე, იმერული ცოლიკაური და კახური რქაწითელი; სახელი ვერველევი, ჩვენმა ერთგულმა მომხმარებელმა შეურჩია, როგორც ვერ შესალევი ღვინო. საუკეთესოა ქათმის ხორცთან და თევზთან მისართმევად, 10-12 გრადუს ტემპერატურაზე;
თეთრი ნახევრად ტკბილი ღვინო დამზადებულია ცოლიკაურის ჯიშის ყურძნისგან, რომელიც ტვიშის მიკროზონაშია გაშენებული. აქვს ღია ჩალისფერი შეფერილობა. გამოირჩევა კომშის და მინდვრის ყვავილების ნაზი და დახვეწილი არომატით. საუკეთესოა ფრინველის თეთრ ხორცთან, სალათებთან, თევზთან, ყველთან და მშრალ ნამცხვართან მისაყოლებლად. საუკეთესოა 8-10 C ტემპერატურაზე მისართმევად.
თეთრი მშრალი ღვინო დამზადებულია ცოლიკოურის ჯიშის ყურძნისგან, რომელიც დავარგებულია მუხის კასრში; ღვინო გამოირჩევა ნათელი, სასიამოვნო ოქროსფერით. ახასიათებს მინდვრის ყვავილების, თეთრი ატმისა და გარგარის სასიამოვნო დახვეწილი არომატები და გამდიდრებული მოხის ტონებით; საუკეთესოა ხორციან კერძებთან, თევზთან, ზღვის პროდუქტებთან და სალათებთან მისაყოლებლად. საუკეთესოა 6-8C ტემპერატურაზე მისართმევად.
წითელი მშრალი ღვინო დამზადებულია ძელშავის და საფერავისგან; აქვს მკვეთრი ლალისფერი; გამოირჩევა ალუბლის და მწიფე ხილის ტონებით; სასიამოვნო დასალევია წითელ ხორცთან, ხილთან და ჩირეულთან მისაყოლებლად.
საქართველოს ყველაზე იშვიათი და ძვირფასი ღვინო, დამზადებული უსახელაურის ყურძნისგან, რომელიც მხოლოდ რაჭა-ლეჩხუმის რეგიონში იზრდება. აქვს შესანიშნავი გარეგნობა, ბრწყინვალე ლალისფერია. სურნელებში კი ჟოლოს, მოცვისა და ტყის კენკრის არომატები ჩნდება. ძალიან გემრიელი წითელი ბუნებრივად ნახევრადტკბილი ღვინო, საუკეთესოა სხვადასხვა დესერტთან და ხილთან მისაყოლებლად. საუკეთესოა 12-14 C ტემპერატურაზე მისართმევად.
წითელი მშრალი ღვინო დამზადებულია ალექსანდროულის გამორჩეული ჯიშის ყურძნისგან, რომელიც გაშენებულია რაჭა-ლეჩხუმის რეგიონში. მას აქვს მუქი ლალისფერი შეფერილობა და მდიდარია ჟოლოს და გარეული მარწყვის არომატებით; იდეალურია ხორცთან, ყველთან და სალათებთან მისაყოლებლად. აღებული აქვს 2023 წლის WinExpoზე ბრინჯაოს მედალი.
თეთრი მშრალი ღვინო დამზადებულია რაჭული მწვანესა და რქაწითელის ჯიშის ყურძნისგან. ღვინო არის ღია ჩალისფერი, რომელსაც დაჰკრავს მომწვანო ელფერი. ხასიათდება ძალიან მდიდარი ბუკეტით: გაზაფხულის ყვავილების სასიამოვნო არომატები გამდიდრებული ციტრუსის ტონებით. შესანიშნავი მისაყოლებელია ხორციან კერძებთან, ზღვის პროდუქტებთან და სალათებთან.
1.5 ლიტრიანი ბოთლისთვის ველეულას ხის სასაჩუქრე ყუთი